Әскер қатарына шақырылған жастарды салтанатты түрде шығарып салу рәсімі
Абай облысы, Семей қаласында өткен әскер қатарына шақырылған жастарды салтанатты түрде шығарып салу рәсіміне Жоғары гуманитарлық, заң және техникалық колледжінің студенттері белсене қатысты. Бұл іс-шара — елін сүйетін, патриоттық рухтағы жастардың Отан алдындағы борышына деген құрмет пен мақтаныш сезімін арттыруға бағытталған маңызды оқиға болды.
Іс-шараның негізгі мақсаты — студенттер арасында Отанға деген сүйіспеншілікті, ел алдындағы жауапкершілікті және әскери борышты адал атқару сезімін қалыптастыру, сондай-ақ Қазақстан Республикасы Қарулы Күштерінің мәртебесін көтеру және ел қорғауға аттанған жас сарбаздарға құрмет көрсету.
Салтанатты шара барысында қатысушылар Мемлекеттік Тудың астында сап түзеп, Қазақстан Республикасының Әнұраны орындалды. Әскерге аттанушы жастарға қала басшылығы, ардагерлер және оқу орындарының өкілдері жылы лебіздерін білдіріп, сәт сапар тіледі.
Сөз алған ардагерлер мен ұстаздар өз өмірлік тәжірибелерімен бөлісіп, әскери борышты абыроймен өтеудің – нағыз ерлік пен азаматтық парыздың көрінісі екенін атап өтті. Ал студенттер өз қатарластарына ізгі тілектерін арнап, Отан алдындағы борышын намыспен өтеуге шақырды.
Шара аясында колледж студенттері патриоттық мазмұндағы өлеңдер оқып, музыкалық композициялар орындады. Әскерге аттанушыларға естелік сыйлықтар мен лента тағу рәсімі өткізіліп, олардың ел алдындағы алғашқы жауапты қадамдары ерекше құрметпен аталып өтті.
Мұндай іс-шаралар жастардың бойында патриоттық сана мен азаматтық жауапкершілікті қалыптастыруда зор рөл атқарады. Олар елін сүйетін, намысты, рухы мықты ұрпақ тәрбиелеуге бағытталған игі дәстүрдің жалғасы болып табылады.
Колледж әкімшілігі мен студенттер қауымы әскери борышын өтеуге аттанған жастарға амандық пен табыс тілеп, олардың ел намысын абыроймен қорғап қайтатынына сенім білдірді.
Посмотреть эту публикацию в Instagram