«Ұстазым – ұлағаттым, үлгі-өнегем» мерекелік кеші
2025 жылдың 3 қазан күні Жоғары гуманитарлық, заң және техникалық колледжінде Ұстаздар күніне арналған «Ұстазым – ұлағаттым, үлгі-өнегем» атты мерекелік іс-шара жоғары деңгейде ұйымдастырылып өтті. Бұл күн – жыл сайын ұстаз еңбегін ұлықтап, олардың қоғамдағы ерекше орнын айқындайтын ең қастерлі мерекелердің бірі.
Іс-шараның негізгі мақсаты – ұстаздардың білім мен тәрбие беру жолындағы өлшеусіз еңбектерін дәріптеу, студенттердің тарапынан алғыс пен ризашылық сезімін білдіру, сондай-ақ ұстаздық мамандықтың қадір-қасиетін арттыру болды.
Мерекелік кеш колледждің акт залында өтті. Зал безендіріліп, мерекелік көңіл-күй орнады. Іс-шараны студенттер жүргізіп, өз сөздерінде ұстаздарға деген құрмет пен ризашылықтарын әсерлі жеткізді.
Кеш барысында студенттер ұстаздарына арнап дайындалған түрлі шығармашылық нөмірлерін ұсынды:
-
Ән мен күйден өрілген музыкалық композициялар;
-
Ұстаздарға арналған жүрекжарды өлеңдер мен көркем сөздер;
-
Би және сахналық қойылымдар;
-
Ток-шоу форматындағы қысқа көріністер мен әсерлі видео-слайдтар.
Көрермендер, әсіресе ұстаздар қауымы, студенттердің өнеріне ризашылықпен қарап, жылы жүзбен қолдау білдіріп отырды. Кеш бойы залда мейірім мен алғыс сезімі, көтеріңкі көңіл-күй орнады.
Шараның ең әсерлі сәттерінің бірі – студенттердің ұстаздарына арнап дайындаған «Алғыс қабырғасы» болды. Онда әр студент өз ұстазына жылы лебіздерін, естеліктер мен алғыс сөздерін жазып қалдырды.
Кеш соңында колледж басшылығы педагогтарды кәсіби мерекемен құттықтап, оларға елеулі еңбектері мен жастар тәрбиесіне қосқан үлестері үшін алғыс білдірді. Белсенді ұстаздарға алғыс хаттар мен естелік сыйлықтар табыс етілді.
Іс-шара соңында ұстаздар мен студенттер естелік суретке түсіп, бір-біріне жылы тілектерін арнады. Мереке ұстаздардың мерейін асырып, ерекше рухани әсер мен қуаныш сыйлаған тағылымды кешке айналды.
Осындай шаралар ұстаз мамандығының абыройын арттырып қана қоймай, студенттердің бойында құрмет, ізгілік және ризашылық сезімін қалыптастырады.
Посмотреть эту публикацию в Instagram